Chhote Ghar Ko Bada Kaise Dikhayein?

Mumbai mein "Space" (jagah) ki keemat sone (gold) se bhi zyada hai. Yahan aamtaur par flats chhote (compact) hote hain jaise ki 1RK ya 1BHK (300 - 450 sq.ft). In chhote flats mein saara samaan rakhna aur ghar ko sundar bhi dikhana ek bahut bada challenge hota hai.

Lekin kuch smart Civil Changes aur Interior Planning ke sath, aap apne compact ghar ko ek luxury premium look de sakte hain jahan jagah ki koi kami mehsoos nahi hogi.

1. Kitchen Mein Jagah (Space) Kaise Banayein?

Kitchen har ghar ki jaan hoti hai. Chhoti kitchen ko bada banane ke kuch civil tricks:

  • Parallel Kitchen Platform: Agar aapki kitchen lamba aur patla (narrow) hai, toh ek bada L-shape platform banane ki jagah dono aamne-saamne chhote platforms banayein. Isse beech mein chalne ki jagah bachegi.
  • Modular Kitchen Baskets: Purane dabbo ko khule mein rakhne ke bajaye, Innotech baskets aur tall units lagwayein. Isme aadhe jagah mein double samaan aa jata hai.
  • Loft (Chhajja): Kitchen ke upar ki jagah ka istemal karke hum Civil Loft banate hain, jahan aap apna extra (un-used) samaan store kar sakte hain.

2. Sliding Doors & Windows Ka Istemal

Normal darwaze khulte waqt kafi jagah (swing space) gherte hain. Apne bathroom aur bedroom mein Sliding Doors ya folding doors lagwayein. Yahan tak ki ward-robes (Almirah) mein bhi sliding system lagwayein taaki bed aur almari ke beech chalne ki jagah mil sake.

3. Deewaron Ka Rang (Wall Painting) aur POP

Ghar ka colour sabse zyada effect dalta hai ki wo kitna bada dikhega. Dark colours (dark blue, brown) ghar ko chhota dikhate hain. Hamesha light shades (White, Ivory, Pastel) ka use karein. Saath hi ek simple aur sleek POP False Ceiling banwayein jismein choti LED profile lights hon. Isse kamre mein roshni bhi zyada hogi aur height bhi zyada lagegi.

4. Niche (Deewar Ke Andar Ki Jagah)

Bathroom mein shampoo aur sabun rakhne ke liye alag se plastic ke stand na lagayein. Hum bathroom renovation ke waqt deewar ke andar civil kat cutting karke 'Niche' (Khaanche) banate hain jisme tiles lagti hain. Yeh space bhi bachata hai aur hotel jaisa premium look deta hai.

5. Tiles Ka Sahi Chunav (Right Flooring)

Chhote ghar mein chhoti tiles mat lagaiye. Badi Vitrified tiles (Jaise 2x4 ft ya 4x4 ft) lagane se joint kam aate hain aur zameen (floor) bahut bada (seamless) lagta hai. Light colour ki glossy tiles ghar ki roshni ko reflect karke usey bright banati hain.

Kya Aap Bhi Apne Chhote Ghar Ka Makeover Chahte Hain?

Smart homes banane mein experience aur dimag lagta hai. Mandal Civil Works ki expert interior aur civil team aapke 1RK ya 1BHK ko aisi design karke degi jisme har ek inch ka sahi istemal hoga.

Aap humari gallery check kar sakte hain, ya humein sidha Call/WhatsApp karke free consultation le sakte hain ki aapke ghar mein kya-kya changes possible hain!